汪明荃一連十五場的演唱會前晚舉行尾場，阿姐落力獻唱之餘，更上演了一幕阿姐發火，力斥舉機拍片的歌迷，不過，話口未完，粉絲在握手環節再次舉機喪拍，搞到阿姐勁無癮大呻：「影夠喇！」
阿姐的《汪明荃45美麗娛樂世界》演唱會前晚圓滿結束，獲楊千嬅、丁子高、古明華、宣萱等人撐場，雖然唱足十五場，阿姐絕無欺場，更中氣十足地「教訓」粉絲！
「拎去賣定去威？」
在安哥環節，唱到興起的阿姐突然一臉正經，指着台下一位正在拍片的觀眾說：「你好快啲delete咗佢喇！我明白粉絲嘅心意，但係你由頭錄到落尾點得o架？你拎去賣定拎去威呀？」說罷贏得全場的掌聲。不過，當阿姐落台同大家握手的時候，仍有不少「唔聽教」的粉絲舉機喪影，搞到阿姐勁無癮地呻：「影一張咪得囉，影夠喇！」此外，她向大家展示千嬅及粉絲送上的銀紙花，臨尾又公開感謝羅生的支持。
打頭炮望創先河
慶功宴上，問阿姐是否討厭觀眾拍片？她坦言：「唔好錄咁耐囉，成場喺度錄，好唔尊重。」她又說在台上所多謝的「羅生」並非丈夫羅家英：「其實係業主羅生，佢本嚟打算改建商場，多謝佢保留新光。」
汪明荃扯火
阿姐「打頭炮」創下在新光戲院大劇場搞個唱的先河，她覺得新光有得做：「希望日後有更多人喺度搞騷，相信只要有好嘅創作，就會有人嚟。（計劃搞巡唱？）未知，但過埋個新年真係要抖抖先。」至於有份搞個唱的李居明則指在汪明荃效應帶挈下，吸引很多人到新光搞騷，所以計劃改建新光開放至1700個座位。
Keyword : 汪明荃扯火
