男子組合Shine昨日出席《Dell XPS12發布會》，兩人在台上與現場觀眾大玩遊戲兼合照，成員又南更賣口乖指有意購入該產品。提到昨晨開售的演唱會門票銷情，又南興奮地說：「開賣一陣就剩番唔夠5%嘅門票，但暫時未考慮加場。」問到是次個唱有何噱頭？天佑笑說：「上次安排咗臨尾除衫，今次監製話一開騷就要除。」兩人坦言正努力Keep Fit及練歌，但擔心時間太緊迫。
shine演唱會
另外，天佑透露個唱會以「熱情」為主題，內容主要講述人生經歷，當中更會談及感情事。兩人希望能邀請到偶像兼前輩等嘉賓到場。
Shine操到行 紅館爆肌
男子組合Shine可謂忙到爆，皆因二子的個唱將於十二月底再度「添食」，今次由九展「升呢」到紅館，加上當日正值普天同慶的大日子，門票昨晨一開售就被搶購一空，難怪徐天佑都話到時一開騷就要即刻爆衫贈興益粉絲！
Shine昨日為「Dell XPS12發布會」主持開幕儀式，兩人除了簡介XPS12的功能及外形，更即場抽出兩位幸運兒一同大玩遊戲兼合照，成員黃又南更表示有意購入一部XPS12自用，果然是潮流達人！
談到兩人年底「添食」的紅館跨年演唱會，又南興奮表示門票銷售非常理想：「今（昨）朝十點鐘開賣，過咗一段時間就已經剩返唔夠5%門票，真係估唔到呀！不過我哋暫時未考慮加場。」提到是次個唱會有何特別？在旁的天佑就笑言：「上次我哋臨尾除衫，反應好好，監製話今次要一開騷就即刻除！」二子更透露雖然綵排時間緊迫，因此一有空檔就操練肌肉，相信Shine迷到時必定大飽眼福！
欲邀偶像前輩助陣
由於一連兩場的個唱正值大除夕及元旦日，兩人大爆兩場的內容都會稍有不同，天佑表示：「今次個唱主題係熱情，加上我哋想食番個節日氣氛，所以會以輕鬆為主，可能講下啲愛情嘢囉，不過兩場都會有啲唔同o架！」不過，由於兩日都是普天同慶的大日子，二子坦言邀請嘉賓有難度，仍在聯絡中，而又南就大賣關子說：「打算請我哋嘅偶像兼前輩級人馬，但暫時就唔透露有咩心水住喇！」
keyword : shine演唱會
