王浩信前晚在劇集《名媛望族》中被飾演其父親的劉松仁連環怒摑13巴，遭網友質疑劇情不合理及造假。王浩信昨日接受電話訪問時表示：「係真打o架！松哥巴巴有力，打到我個口都痹，不過當時我好入戲唔覺痛，事後先發現塊面腫咗！」不過他說松哥是其偶像，所以享受被摑，更預告之後有場遭人勁摑的戲份。至於王浩信老婆陳自瑤表示雖然有少少肉赤，但明白是劇情需要。
劉松仁怒摑王浩信
前日《名媛望族》劉松仁狂摑「signal王」王浩信13巴，親者痛仇者快，王浩信嘅fans自然痛入心，但唔少人又拍爛手掌嗌「爽」，有多手網民將連摑13巴呢場戲狂loop，由19秒拉長至1分39秒……網民將條片無論聲同畫面都「反轉再反轉」，令松哥變成乒乓球好手咁，左右手反手都發到拍；特別係聲拉長縮短行快行慢，甚至reverse處理，聽聽吓松哥好似變咗講日文甚至粗口咁，而且太暴力，要家長指引，所以條link，都係自己搵吧啦。
被偶像狂摑也開心 王浩信︰覺得好榮幸
王浩信（Vincent）在台慶劇《名媛望族》中，飾演滑頭的鍾家二少爺「鍾啟燁」，雖然戲份未及劉松仁和馬國明，但一場被摑戲份，卻成功引起網友注意。日前Vincent接受本報記者訪問，談到這場戲他亦相當難忘，但他未有不快反而興奮，因摑他的正是偶像劉松仁，就算被摑也感榮幸。
王浩信（Vincent）被松哥掌摑的一場戲，雖然要在20集才出街，但早前播出的宣傳片已成為亮點，網友已有激烈討論，更有網友細心數過Vincent足足被摑了11巴，亦大讚他這場戲和松哥都演得出色。
被松哥的話感動
對於網友支持，Vincent大感欣慰，「未出街大家已經咁留意，真係估唔到，我都無數過摑幾多下，佢竟然咁細心，真係好厲害。」Vincent當日拍攝雖然被松哥摑到面腫，但卻感到很榮幸，「我睇《大時代》時，已經封松哥做偶像，今次有機會合作已經好開心，畀佢摑都係我榮幸！」
更令Vincent感動的，是松哥的一番話，「日一拍完，松哥即刻攬住我話Good show，我覺得好溫馨好窩心，本身喊緊聽完更加喊到收唔到聲，要好耐先至可以平復到心情，後尾松哥仲同我講，佢識氣功所以已經就力，唔係我一定受傷，佢真係個好好前輩，同佢合作實學到。」
keyword : 劉松仁怒摑王浩信
