原來「性罷工」可以作為抗爭理由，迫令政府修橋補路o架！早前哥倫比亞小鎮巴瓦科阿斯，就有三百名女性發起「性罷工」，圖逼老公催促政府承諾改善日久失修道路，是否有效未有講及，但美國嘅脫星Elle Alexandra就直指行為多餘兼可笑，事關男性要出火大有方法，罷工仲益咗班麻甩佬喎！
唔幫女人
網友笑言呢班哥倫比亞婦孺以「性罷工」藉以向政府施壓非常無知兼可笑，皆因到頭來只會益咗佢哋嘅伴侶，大有理由出去偷食，甚至可以趁機好好休息，毋須再交功課咁辛苦！連Elle Alexandra都唔幫女人。阿妹話：「因為一個有正常性生活嘅婦女，又點會願意犧牲個人嘅性樂趣呢？因此我懷疑呢班婦女本身性生活都不協調，想借勢發難，希望政府關注基建之餘更可引起外界討論佢哋性生活！就等如你失業要求政府養你，難道政府一日唔養你，你一世唔做愛？簡直係笑話！」講得好，做愛與否閣下自理，搵性罷工做理由，又真係好無賴囉！
四仔代替
Elle Alexandra認為呢三百名女性「性罷工」行為可笑，但另一方面亦好贊成佢哋咁做，理由係婦女罷工，大有機會令美國四仔銷量急升，直接帶旺脫星工作量。佢話：「好明顯，當地男人大有理由出去偷食，而不願偷食亦會選擇以四仔代替，因此我希望佢哋一世罷工，令我同姊妹嘅作品有機會打入當地市場。」Elle Alexandra絕對係一名機會主義者，人哋路都冇得好行，阿妹就一味講搵錢，睇怕最痛苦都係班男人，因為對住伴侶做又死唔做又死，女人真係一啲都唔好惹呀！
性罷工
「性罷工」不是指性工作者進行的罷工，而是一種新的抗爭手段。
「性罷工」在全球多個國家已成為女性集體抗爭的手法。抗爭甚麼呢？為爭取和平、為爭取停火、為爭取平等、為爭取僱傭平等待遇等等……
和平、平等與性有甚麼關係？為甚麼可以以性來爭取呢？「性罷工」是個人或集體的一種和平行動，通常是集體行動才可取得有效的成果。這是一種「暫時停止性活動」的行動。
舉個實例：菲律賓棉蘭老島達杜村（Dado）女性村民二○一一年七月舉行了「性罷工」，逼使她們的丈夫退出分離分子所引發的內戰。這些女村民不與丈夫做愛，直至丈夫們退出暴力衝突為止。結果，她們成功了。這個案成為國際有名的例子「Women's Sex-strike Ends Civil War」，即「性罷工停止了內戰」事件，也當成Sex Vs. Violence（性對抗暴力）一著名歷史事件。
連黑幫成員的妻子都「性罷工」——哥倫比亞治安甚差的城市佩雷拉，黑幫成員妻子聯合起來，要黑幫老公放下武器或者是放棄性生活。這項運動獲得市長支持，亦成功減少了該市黑幫數目和罪案數目。
很奇妙，是不是？各位女士可會也想來個「性罷工」呢？有沒有甚麼妳抗爭的呢？如果有，可否參考一下這種「性罷工」？
